Plantun de Prouvènço

Pèr coumpara dos planto d'encò nostre

Symphytum officinale & Asplenium adiantum-nigrum

Counsolo-majour

Symphytum officinale

Boraginaceae

Àutri noum : Erbo-di-cime, Erbo-dei-sùmi, Empés.

Nom en français : Grande consoude.

Descripcioun :
La counsolo-majour es uno grando erbo que trachis en ribo d'aigo. Se recounèis à si cimo denso de flour blanco, souvènt jaunasso, e subretout à si fueio en lanço emé un pecou que porto de gròssis alo que couron sus la cambo (fotò).

Usanço :
Au contre de ço que se vèi escri d'eici d'eila, vau miés la pas manja que caup d'alcalouïdo empouissounant pèr lou fege. Es uno planto vertuouso qu'èi poussible d'utilisa en emplastre contro d'ùni proublèmo de pèu (macaduro, blaveiròu e subretout li bruladuro), de muscle, d'articulacioun, d'estorso etc. Soun noum fai pensa à-n-utilisacioun contro li cime...

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Symphytum
Famiho : Boraginaceae

Coulour de la flour : Blanco
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Ribiero - Palun - Prado umido
Estànci : Mesoumediterran à Mountagnard
Couroulougi : Pancaro entresigna
Ref. sc. : Symphytum officinale L., 1753

Capilàri(-negro)

Asplenium adiantum-nigrum

Aspleniaceae

Noms en français : Asplénium noire, Doradille noire.

Descripcioun :
La capilàri-negro trachis subretout dins li roucas de cauquié e li vièii muraio. Douno d'èr à la capilàri-dis-ase, Asplenium onopteris, pamens a de foundo mai pichoto, mai lusènto e mens descoupado, e toujour emé de pinulo bèn drecho (la capilàri-dis-ase a de pinulo un pau torso). Mounto mai en mountagno. Coumpara emé la capilàri-dis-ase que ié sèmblo proun.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Asplenium
Famiho : Aspleniaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Ca (Si)
Autour basso e auto : 0 à 2200 m
Aparado : Noun
Juliet à setèmbre

Liò : Roucas - Muraio - Bos umide
Estànci : Coulinen à Aupen
Couroulougi : Cousmoupoulito
Ref. sc. : Asplenium adiantum-nigrum L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

RRR

ges

Symphytum officinale & Asplenium adiantum-nigrum

Coumpara Counsolo-majour emé uno autro planto

Coumpara Capilàri(-negro) emé uno autro planto